№206 мектеп-гимназияда «Жақсы бала ата- ана қуанышы» атты қорытынды ата- аналар жиналысы болып өтті. В школе-гимназии №206 состоялось итоговое родительское собрание «Жақсы бала ата- ана қуанышы» .

Наурызбай ауданы №206 мектеп-гимназияда «Жақсы бала ата- ана қуанышы» атты қорытынды ата- аналар жиналысы болып өтті. Бұл қорытынды жиналыста  оқушыларымыздың жыл бойғы білім мен тәрбие және спорт саласында жеткен жетістіктері, өткен кездесу- жиналыстары, оқу үлгерімдері, мектеп формасы туралы айтылып, ағымдағы сұрақтарға жауап қайтарылды.  Еліміздің ертеңгі ұлт тізгінін ұстар жастарымыздың тәрбиесіне аса мән беру – біздің негізгі мақсатымыз. Тәрбие – күрделі үдеріс. «Тәрбие отбасынан басталады» деп халық даналығы бекер айтпаған. Саналы да, білімді ел болашағын қалыптастыру әрбір ата-ананың мерейлі міндеті, парасатты парызы. Еліміздің болашағының тізгінін ұстар тұлғаның бойына білімнің нәрін, тәрбиенің иісін сіңіруміз қажет. Ата-бабамыздан қалған ұлттық тәрбиемізге дақ түсірмеу үшін барлық қажетті жауапкершілікті ата-ана өзіне алғаны жөн, себебі бала ата-ананың өмірінің жалғасы. «Балам дейтін жұрт болмаса, жұртым дейтін бала қайдан болсын» деп өткен ғасырдың ұлы тұлғасы А.Байтұрсынұлы айтқандай, баланың болашағына толғанар ел, ойланар отбасы қалыптасса елдің болашағы зор болары анық екені көрінді.