Қазақстан халқы тілдері күні мерекесі аясында №206 мектеп-гимназиясында қазақтың белгілі ақыны, драматург, қоғам қайраткері БАҚЫТ БЕДЕЛХАНМЕН мазмұнды кездесу кеші ұйымдастырылды.

Қазақстан халқы тілдері күні мерекесі аясында №206 мектеп-гимназиясында қазақтың белгілі ақыны, драматург, қоғам қайраткері БАҚЫТ БЕДЕЛХАНМЕН мазмұнды кездесу кеші ұйымдастырылды.
Рухани-танымдық сипатта өткен шараға мектеп басшылығы, ұстаздар қауымы және оқушылар қатысты. Кештің басты мақсаты – өскелең ұрпақтың бойына ана тіліне деген құрмет пен сүйіспеншілікті қалыптастыру, ұлттық әдебиет пен поэзия құндылықтарын насихаттау және жастарды отансүйгіштік рухта тәрбиелеу.
Шара барысында мектеп оқушылары ақынның туындыларын мәнерлеп оқып, өз өнерлерін көрсетті. Өз кезегінде Бақыт Беделхан қазақ тілінің мемлекеттік тіл ретіндегі мәртебесі, ұлттық сана-сезім, оқу және ізденістің маңызы туралы ой қозғап, жиналған қауымға келелі пікірлерін жеткізді.
Кездесу соңында оқушылар ақынға көкейлерінде жүрген сауалдарын қойып, тұшымды жауаптар алды.
Мұндай мәдени-ағартушылық шаралар жастардың рухани дүниетанымын кеңейтіп, әдебиетке деген қызығушылығын арттыруға айтарлықтай үлес қосады.09:37