№206 мектеп-гимназия жанынан ашылған «Балдырған» спорттық-шығармашылық лагері өз жұмысын бастады!

№206 мектеп-гимназия жанынан ашылған «Балдырған» спорттық-шығармашылық лагері өз жұмысын бастады! Балаларды қорғау күніне арналған «ӘЛЕМ – БАЛАЛАР ҮНІМЕН ӘСЕМ!» атты мерекелік концерт көтеріңкі көңіл-күймен өтті. Концерт барысында оқушылар ән шырқап, өз өнерлерін ортаға салды. Мерекенің ерекше қонақтары – көңілді кейіпкерлер Аққұлақ пен Секіртпе балалармен бірге ойын ойнап, әндерге қолдау көрсетіп, мерекенің шырайын аша түсті. Олар балаларға көтеріңкі көңіл-күй сыйлап, концерттің қызықты өтуіне өз үлестерін қосты.
 Барша балаларды мерекемен құттықтаймыз! Дендеріңіз сау, жүздеріңіз жарқын, балалық шақтарыңыз бақытқа толы болсын!