«Таза Қазақстан» экологиялық акциясы №206 мектеп-гимназиясының ұстаздары мен оқушылары қоршаған ортаны қорғау мен экологиялық мәдениетті қалыптастыру мақсатында жалпыұлттық «Таза Қазақстан» акциясына белсене қатысты.  Акция барысында мектеп аумағы мен айналасы тазаланып, жасыл желекке күтім жасалды.  Шараның басты мақсаты – табиғатқа жанашырлықпен қарап, туған жердің тазалығын сақтау.  Таза орта – салауатты өмір кепілі! #ТазаҚазақстан #ЭкоАкция #ЖасЭко #ЭкологияБастауМектептен

Ұстаздар күні құтты болсын!  Бүгінгі сынып сағатымызда оқушыларға ұстаз еңбегінің қоғамдағы рөлі мен маңызын түсіндіріп, мұғалімге құрмет көрсету мәдениеті туралы әңгімелестік. Балалар ұстаздарына арнаған алғыс сөздерін, өлең жолдарын оқып, мерекелік көңіл-күй сыйлады. Ұстаз – ұрпақ тәрбиелеуші, қоғам дамуының тірегі. Оқушыларға білім мен тәрбие берудегі еңбегі үшін барша ұстаздарға шынайы алғысымызды білдіреміз. 4 “в” сынып оқушыдарының сынып сағатынан естелік сәттерді назарларыңызға ұсынамыз.

2025 жылдың 2 қазанында Алматы қаласы Наурызбай ауданының Қорғаныс істері жөніндегі басқарманың тәрбие және идеологиялық жұмыстар тобының бастығы лейтенант М.Ажиханов пен 188 мектеп-гимназиясының алғашқы әскери және технологиялық дайындығы пәнінің мұғалімі Б.Мұхаметқалидің ұйымдастыруымен өткізілген шарада  Ұстаздар күніне орай Наурызбай ауданының 206 мектеп-гимназиясының алғашқы әскери және технологиялық дайындығы пәнінің мұғалімі Жуніс Ысқақ Абуұлы марапатталды.  @nauryzbay_bilim_bolimi

Ұстаз бен шәкірт арасындағы ең асыл байланыс – тек біліммен ғана емес, жүрек жылуымен жалғасады. Сол жылулық бүгін ерекше көрініс тапты… Бала жүрегінің тазалығы мен ұстаз махаббаты тоғысқан сәт – ең қымбат, ең шынайы сәт. Сіздің құшағыңыз – шәкірттеріңіз үшін сенім мен мейірімнің, шабыт пен ізгіліктің мекені.  Ал олардың құшағы – сізге деген шексіз алғыс пен махаббаттың нышаны.  Видеода: 1 “А” сынып оқушылары ұстазы Гүлжахан апаймен

Бүгін 1 “А” сынып оқушылары «Ұстаздар мерекесі» қарсаңында №206 мектеп-гимназия ұстаздарын және өздерінің аяулы сынып жетекшісі Гүлжахан апайды құттықтап, жүрекжарды тілектерін арнады. Ұстазға деген алғыс – шәкірт жүрегіндегі ең асыл сезім.

Мерекемен құттықтаймыз  6 «Д» сыныбының атынан барлық мұғалімдерді кәсіби мерекелеріңіз – Ұстаздар күнімен шын жүректен құттықтаймыз! Ұстаз – шәкірт жүрегіне нұр құятын, білім мен тәрбие беретін ең қастерлі жан. Сіздердің еңбектеріңіз үшін алғысымыз шексіз! Шәкірттеріңіздің жетістігі – сіздердің еңбектеріңіздің жемісі. Әрдайым еңбектеріңіз еленіп, мерейлеріңіз үстем болсын

Таза бейсенбі  2 қазан күні 6 «Д» сыныбы оқушылары 108В кабинетінде «Таза бейсенбі» өткізді.  Балалар сыныпты тазалап, ретке келтіріп, тазалыққа деген жауапкершіліктерін көрсетті. Мұндай шаралар оқушылардың ұйымшылдығын арттырып, еңбекке баулиды 

Дублёр күні – 206 мектеп-гимназиясында!  Бүгін мектебімізде ерекше күн өтті – Дублёр күні! Оқушылар ұстаздар мен әкімшілік қызметкерлердің орнын басып, өздерін жаңа қырынан таныта білді. Бұл күн жауапкершілікті сезініп, еңбектің қадірін түсінуге үлкен мүмкіндік болды. Балалар ұстаз болудың қаншалықты жауапты әрі қызықты екенін сезініп, ал ұстаздар оқушылардың шығармашылығына тәнті болды. Дублёр күні – ынтымақ, сыйластық пен білімге деген құштарлықтың мерекесі!  @almatymektepy @aliakbarovafatima

Бүгін #206 мектеп-гимназияның  8 “А” сыныбында дәстүрге айналған “Таза бейсенбі” өтті. Оқушыларымыз сынып ішін тазалап, гүлдерге су құйып, парта-орындықтарды реттеді. Мақсат – балаларды еңбекке баулу, тазалық пен ұқыптылыққа тәрбиелеу.

 5 қазан – Мұғалімдер күні   Бүгін біз адам жанының инженері атанған, білім мен тәрбиенің шырақшысы болған ұстаздарды ұлықтаймыз! #Шабыт жобасы ұстаздарға арналған «Даналық ұстаздан» атты челленджін жолдайды.   Ұстаз – өмірге бағыт берер шамшырақ, болашаққа жол сілтер даналық иесі.  Ардақты мұғалімдер! Сіздерге мықты денсаулық, сарқылмас шабыт, шәкірт сүйініші мен зор абырой тілейміз!